Preto dun cento de persoas participaron na excursión ao entroido de Xinzo de Limia organizada pola Asociación Club de Xubilados de Lousame e que tivo lugar o pasado domingo 23 de febreiro.
A expedición desfrutou dunha visita guiada ao Museo Galego de Entroido, onde puideron coñecer diferentes traxes que representan unha tradición tan importante en Galicia como é a do Entroido.
A viaxe coincidiu co Domingo Corredoiro, que marca o inicio do Entroido en Xinzo de Limia e no que as Pantallas percorreron as rúas da capital da Limia ata a Praza Maior.
Unha celebración, animada musicalmente polas charangas Élite e Sound Band, da que desfrutaron os veciños e veciñas de Lousame.
