A patronal noiesa, Noia Histórica, anunciou o sorteo de dúas entradas para o importante evento deportivo que se vai celebrar esta fin de semana no Campo Municipal Agustín Mourís: o encontro que enfrontará ao Portus Apostoli de Noia co Jaén de Fútbol Sala, pertencentes á Primeira División de Fútbol Sala (xornada 16 da liga).
Será este sábado 8 de febreiro a partir das 13.00 horas. O sorteo das entradas será un xeito de recompensar aos clientes dos establecementos de proximidade adheridos á asociación. Quen desexe participará terá que subir os seus tíckets de compra á web de Noia Histórica ou ben escanear o QR do cartel. O prazo para facer compras ou consumicións que opten ao sorteo remata este martes 4 de febreiro. O sorteo será este mércores 5.
