O Concello de Muros organiza unha xornada informativa para dar a coñecer todas as liñas de axudas á rehabilitación de vivendas no seu casco histórico. Será mañá mércores 26 de febreiro, as 18:30 horas na antiga fabrica de Sel.
A semana pasada, o concello abriu unha nova convocatoria de subvencións para a rehabilitación de edificios e vivendas no seu casco histórico, financiada con fondos Next Generation da Unión Europea.
As axudas son de ata 21.400 euros por vivenda, contía que nalgúns casos poderase incrementar ata un máximo de 1.000 euros por vivenda ou 12.000 euros por edificio obxecto de rehabilitación.
“Este programa de axudas forma parte das distintas medidas de apoio á vivenda e conservación do casco histórico que impulsamos desde o concello”, asegura a alcaldesa de Muros, María Lago, que anuncia “outras iniciativas neste ámbito a curto e medio prazo”.
