O Centro Social de Boiro vai dar acollida este xoves 27 de febreiro a unha xornada de divulgación con recursos para reforzar a calidade de vida de cadaquén e a súa saúde mental. Trátase dunha Charla sobre intervención en risco de suicidio, programada para as 10.00 no Centro Social. Será impartida pola Asociación Pro Saúde Mental. As inscricións cómpre facelas no CIM de Boiro mediante o enderezo electrónico cim@boiro.org ou no teléfono 981 84 48 00 ext. 1285.
A actividade vén da man do Concello de Boiro, a través da área de Política Social, e encádrase nun programa de actividades formativas e charlas que se van desenvolver durante os vindeiros meses.
A primeira das actividades divulgativas programadas versou sobre Diversidade familiar e familias monomarentais e foi impartida por FAGAMOS, a Asociación de Familias Monomarentais de Galicia, o pasado xoves 20 no Centro Social.
A seguinte actividade formativa será Conceptos básicos sobre identidades de xénero e orientación sexuais, impartida por ARELAS, Asociación de Familias Menores e Trans, e terá lugar o 10 de marzo de 10.00 a 13.00 horas no Centro Social de Boiro.
