En torno a 300 persoas participaron na I Recollida Simultánea de Paus de Batea

04 Febreiro 2025

Limpiarousa, Surfrider España, Proxecto aMARte e ADEGA impulsaron ao longo desta fin de semana, do 31 de xaneiro ao 2 de febreiro, a I Recollida Simultánea de Paus de Batea nas praias de Galiza, nun esforzo conxunto por preservar as nosas costas e “sensibilizar sobre a problemática da contaminación mariña”.

Paus de bate recollidos na praia de Río Azor, en Palmeira (Ribeira)

O Tarugotón, nome que recibiu esta iniciativa, mobilizou voluntariado en todo o litoral galego. En total, participaron na acción en torno a 300 persoas/entidades, ao longo de numerosas praias, e recolléronse ao redor de 15.300 paus de batea ou tarugos en tan só tres días, ademais de cordas enteiras cos tarugos enganchados.

Material apañado na praia de Ancoradoiro, en Muros

Esta iniciativa convidou a todas as persoas interesadas a asumir o reto de recoller o maior número de tarugos ou paus de batea en tan só unha hora en calquera das praias do país. Este primeiro Tarugotón, que agarda ter máis edicións, tiña como obxectivo “a retirada destes residuos nas praias” e, tamén, “visibilizar a problemática ambiental que supón a chegada masiva de paus plásticos ás costas, sensibilizar, concienciar, e abrir canles de diálogo con todos os actores implicados (administracións, empresas, sector bateeiro…) para procurar solucións a longo prazo”, explicaron dende ADEGA, que engade que estes paus de batea son elementos plásticos utilizados no cultivo do mexillón e que aínda que anteriormente eran madeira “na actualidade a súa versión plástica supón un desafío ambiental, xa que ao desprenderse ou romperse do sistema de cultivo dos bivalvos, acaban acumulándose nas praias”.

As entidades organizadoras, Limpiarousa, Surfrider España, ADEGA e Proxecto aMARte, móstranse agradecidas pola boa acollida desta acción de voluntariado ambiental, que cualifican de éxito. “Isto anímanos a lanzar máis convocatorias no futuro para incentivar a toda a xente a participar. Agardamos que tamén sirva para iniciar diálogos na busca de solucións”. As asociacións poñen a disposición unha ligazón específica para a consulta de todas as imaxes da I Recollida Simultánea de paus de batea en Galiza.

Outros artigos

Rianxo e A Estrada xa son oficialmente concellos irmáns

Este luns 19 de outubro formalizouse finalmente a sinatura do protocolo de irmandamento entre os concellos da Estrada e Rianxo, historicamente unidos polas figuras de Virxinia Pereira Renda (A Estrada) e Alfonso Daniel Rodríguez Castelao (Rianxo). A fraternidade...

+

Publicidade

Revista en papel

Opinión

“Indefensión frente a la nesciencia”. José Fernández Lago

“Indefensión frente a la nesciencia”. José Fernández Lago

Soy un ciudadano de a pie, que no entiendo el organigrama gubernativo. Cierto que me siento con el derecho de considerar que los que ostentan algún tipo de cargos deberían tener los estudios oportunos, y no simplemente facilidad para comunicarse entre ellos y para...

“Sánchez y la fuerza del amor” – José Antonio Constenla

“Sánchez y la fuerza del amor” – José Antonio Constenla

Hay amores que mueven montañas y otros que, a juzgar por lo visto en Fuenlabrada, aspiran a mover algo más delicado: la opinión pública. Pedro Sánchez y Begoña Gómez se besan, bailan y se dedican un “Que lo escuchen, te quiero” ante los asistentes a un mitin del PSOE....

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.