Entre os puntos álxidos da axenda do Entroido en Padrón, organizada polo Concello, atópase sen dubida a Festa Infantil de Disfraces prevista para este luns 3 de marzo no Pavillón do Souto. Será, en palabras do Concello, unha cita “chea de cor, diversión e moitas sorpresas para a cativada da casa”. Durante tres horas, de 17.00 a 20.00 horas, haberá obradoiros, sesións de tatuaxes e purpurina, unha ludoteca infantil, animación musical e inchábeis “para que a festa sexa completa”. A entrada será libre e de balde.
