Canto tempo lle chupou as tetas? Baixouse as bragas? Estas son algunhas das perlas e preguntas realizadas por un xuíz inquisitorial e machista a unha muller, presunta vítima de abusos sexuais. Soubémolo porque se filtrou publicamente a declaración realizada en sede xudicial. Como poden seguir ocorrendo estas situacións? Seica o segredo profesional, pode protexer estas agresións que son claros atentados cara á moralidade e intimidade das persoas?
Logo queren que as mulleres denuncien os casos de abusos sexuais e malos tratos para atoparse con este tipo de xustiza, máis propia de países que tanto criticamos e aos que tanto nos parecemos, en ocasións. É incrible o ver e escoitar o interrogatorio do xuíz á muller, vítima de acoso sexual. Trátaa coma se fose a culpable, cun ton e unhas actitudes chulescas máis propias dun bordel que dunha sala de vistas xudicial.
Esixiráselle algunha responsabilidade ao maxistrado ou todo quedarase impune. Esta é a Xustiza que temos e a que queremos? Vergoñoso.
