Stop Deshaucios Barbanza mostra a súa preocupación por unha familia de Ribeira cuxa vivenda podería caer en mans dun fondo voitre

22 Xaneiro 2025

A plataforma Stop Deshaucios Barbanza que coordina o noso compañeiro José Manuel Pena vén de compartir información sobre a preocupante e delicada situación pola que está a pasar un fogar de Ribeira que corre risco de quedar na rúa sen alternativa habitacional. Trátase dunha familia que vive de alugueiro desde hai máis de seis anos na avenida do Malecón. Segundo informou a plataforma, o propietario da vivenda está inmerso nunha execución hipotecaria que se segue perante o Xulgado Número 3 de Ribeira e que xa sinalou a poxa pública do inmóbel para principios deste próximo mes de febreiro. Poxa que recaerá, con moita probabilidade, a favor do fondo voitre Prosil Acquisition, S.A..

Ante esta situación a familia arrendataria solicitou o dereito á Asistencia Xurídica Gratuíta para poder defender o seu arrendamento e así poder seguir vivindo no piso, unha vez que varios membros da unidade familiar padecen unha diversidade funcional.

Stop Deshaucios confirmou que a familia atópase ao día nos pagos mensuais e confían en que o gran tenedor respecte e manteña en vigor o contrato de arrendamento subscribido co anterior propietario, para que continúen na vivenda.

Outros artigos

Publicidade

Revista en papel

Opinión

“O forno de leña”. Luís Celeiro

“O forno de leña”. Luís Celeiro

Os daquela xeración que naceron antes dos anos sesenta do século pasado (moi lonxe e moicerca, ao mesmo tempo) lembran como se facía o pan de cada día nos fornos de leña. Decada día ou de cada mes. Lembran o pan prestado polo veciño e saben que se devolvía aococer,...