Ribeira adxudica a pavimentación dos Muiños en Oleiros

29 Xaneiro 2025

O Concello de Ribeira vén de adxudicar a realización dunha actuación no camiño do lugar dos Muiños, co obxectivo de mellorar o estado de conservación das infraestruturas nas parroquias do municipio. O pavimento actual deste camiño está moi deteriorado debido ao paso do tempo e ao uso de diferentes materiais, xa que a súa zona de rodadura conta con pavimento de aglomerado asfáltico, mentres que os sobreanchos son de aglomerado ou formigón.

Recentemente, realizáronse na zona obras de instalación dunha rede de saneamento, o que deixou o pavimento nun estado deficiente. O alcalde de Ribeira, Luís Pérez, explicou que o obxectivo principal desta actuación é mellorar o firme do camiño, pavimentándoo cunha nova capa de aglomerado asfáltico e garantindo así que sexa transitable en boas condicións tanto para vehículos como para peóns.

Antes de proceder coa pavimentación, Pérez Barral detallou que aproveitarase a ocasión para construír novos pozos de rexistro nos camiños adxacentes, de forma que se poidan realizar futuras obras de saneamento sen que afecten ao novo pavimento.

A actuación incluída no proxecto contempla a demolición dos pavimentos actuais, a escavación de gabias para a colocación de tubaxe de PVC de 315 mm de diámetro, a construción de pozos de rexistro e acometidas á rede existente. Posteriormente, realizarase o acondicionamento das superficies, a aplicación de subbase de saburra para regularizar a estrada, e a colocación dunha capa de mestura bituminosa en quente de 6 cm de espesor en toda a superficie do camiño. Finalmente, procederase á sinalización viaria da zona, aplicando pintura para tráfico.

O proxecto foi adxudicado á empresa Construcciones Ponciano Nieto, S.L., cun importe de 59.885,17 €, e un prazo de execución estimado de 2 meses. A actuación será financiada con fondos propios do Concello de Ribeira.

O Concello de Ribeira adxudica a mellora do camiño do lugar dos Muiños para garantir un mellor mantemento das infraestruturas nas parroquias

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

O Culturgal Expandido recala esta semana en Muros

A edición 2026 do Culturgal Expandido chega esta fin de semana ao Mercado Municipal de Muros cunha programación gratuíta e para todas as idades. Na presentación do programa participaron Natividad Gonzalez, deputada de Cultura da Deputación da Coruña; María Lago,...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.