Rematado o arranxo estrutural do depósito de auga de Esteiro (Muros)

29 Xaneiro 2025

O Concello de Muros informa á veciñanza do remate das obras de arranco do depósito de auga de Esteiro, uns traballos que foron cualificados do Goberno local como “moi necesarios e importantes” para a reparación “integral e estrutural da estrutura”.

“Cando chegamos ao Goberno e revisamos o estado das infraestruturas públicas municipais, atopámonos con que un dos vasos do depósito estaba inutilizado, con graves filtracións e serio risco de derrubamento”, explicou a alcaldesa de Muros, María Lago, engadido que “o vaso que estaba en uso estaba tamén en moi mal estado, polo que as parroquias de Tal e Esteiro podían quedar sen subministro de auga”.

As obras consistiron na impermeabilización dos dous vasos do depósito, a reparación exterior de varias zonas que amosaban deterioros importantes, o reforzo das trabes do teito con piares de apoio e uns traballos para o “grampado” da cuberta das instalacións, que cedera en gran parte.

O orzamento total da actuación foi de 67.766,66 euros, subvencionada en parte pola Xunta de Galicia a través dunha liña de axudas para evitar fugas de auga nas redes dos concellos.

A concelleira de Obras, Laura Rivadeneira, afirma que “con estas obras e facendo un correcto mantemento do depósito, temos asegurado o bo funcionamento dos tanques durante moitos anos”.

María Lago explicou a maiores que “a mellora das infraestruturas e os servizos públicos é o piar da nosa acción de goberno, son este tipo de actuacións as que melloran a vida da veciñanza de Muros”.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.