Os Reis Magos encheron de ilusión o Pavillón da Fieteira en Ribeira

05 Xaneiro 2025

A maxia e a ilusión invadiron esta tarde o Pavillón da Fieiteira en Ribeira, que acolleu finalmente, debido ao mal tempo, todas as actividades festivas relacionadas coa recepción dos Reis Magos tras suspenderse a Cabalgata. Miles de persoas non quixeron perderse o evento e recibiron ás Súas Maxestades Melchor, Gaspar e Baltasar.

O alcalde do municipio, Luís Pérez Barral, xunto cos concelleiros, dirixiuse aos nenos, nenas e familias nun discurso que marcou o inicio desta noite inesquecíbel: “Esta é unha noite especial, única, unha noite chea de maxia!”, expresou o rexedor, destacando que os Reis Magos fixeron unha parada extraordinaria en Ribeira porque “escoitaron que aquí hai uns nenos e nenas moi, moi especiais”.

Pérez Barral eloxiou a ilusión e o bo comportamento dos máis pequenos, pero tamén asegurou que non só a rapazada tivo un bo comportamento e díxolle ás Súas Maxestades que “Ribeira é un concello cheo de xente extraordinaria, traballadora e solidaria”.

O alcalde tamén quixo agradecer o cariño das familias que acompañaron aos Reis durante a súa visita polas parroquias do concello. No seu
discurso, subliñou a importancia de soñar en grande e de valorar os pequenos xestos que fan destas datas un momento único: “O mellor agasallo non é o que vén envolto no papel de cores, senón o voso sorriso, alegría e cariño que compartides coas persoas que vos queren”, dixo.

Concluíu desexando que a maxia e a ilusión permanezan sempre nos corazóns de todos os veciños e veciñas. Tras as palabras do alcalde,
Melchor, Gaspar e Baltasar tomaron o protagonismo para repartir ledicia e agasallos entre os máis pequenos, convertendo esta noite nunha
lembranza inesquecíbel para todos.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.