Os populares de Ribeira presentan unha proposición para mellorar a rede de alumeado público en Ribeira

24 Xaneiro 2025

Ana Isabel Barreiro Rego presenta unha proposición para mellorar a rede de alumeado público en Ribeira

PLeno Ribeira

A concelleira do Grupo Municipal do Partido Popular de Ribeira, Ana Isabel Barreiro Rego presentou npara o seu debate no próximo pleno ordinario de xaneiro de 2025 unha proposición destinada a abordar as deficiencias da rede de alumeado público no concello. Segundo Barreiro, estas carencias foron transmitidas pola veciñanza a través de reunións en parroquias, queixas telefónicas e redes sociais.

Barreiro destacou que as deficiencias no servizo de iluminación son unha constante, sinalando casos concretos como luces apagadas durante meses nas sendas de madeira, rúas urbanas sen iluminación e unha especial desatención ás parroquias. A concelleira criticou a falta de supervisión do contrato de alumeado público por parte do goberno local, esixindo maior control e cumprimento das obrigas recollidas nos pregos de prescricións administrativas.

No pleno anterior, segundo Barreiro, aprobouse unha revisión de prezos importante para a empresa adxudicataria, mais non se observou unha mellora no servizo. Ante esta situación, o Grupo Municipal do Partido Popular propón as seguintes medidas:

  1. Auditoría do contrato: Realizar unha revisión íntegra para avaliar o cumprimento do contrato vixente.
  2. Avaliar o estado das luminarias: Comprobar a luminosidade, o estado das pantallas e báculos, así como os centros de mando en toda a rede de alumeado, incluídas as parroquias.
  3. Actualización do inventario: Revisar o número de luminarias e os seus cadros de mando, asegurando o seu correcto xeoposicionamento.

Barreiro lembrou que o contrato contempla catro prestacións principais: consumo eléctrico, mantemento, garantía total e amortización do investimento. Por iso, enfatizou a necesidade de supervisar os cartos públicos empregados neste servizo, tal e como establece a Lei de Contratos do Sector Público.

Con esta proposta, o Partido Popular busca garantir unha xestión eficiente e unha mellora inmediata na rede de alumeado público de Ribeira, respondendo ás demandas e necesidades da cidadanía.

Outros artigos

Sábado 8, unha borrasca traerá máis nubes e orballo a Galicia

Galicia quedará este sábado baixo a influencia dunha borrasca situada ao oeste, que achegará unha fronte cálida ao longo do día. A xornada comezará con intervalos de nubes e claros, pero as nubes irán en aumento, podendo deixar algúns orballos na fachada atlántica. As...

+

Publicidade

Revista en papel

Opinión

“O forno de leña”. Luís Celeiro

“O forno de leña”. Luís Celeiro

Os daquela xeración que naceron antes dos anos sesenta do século pasado (moi lonxe e moicerca, ao mesmo tempo) lembran como se facía o pan de cada día nos fornos de leña. Decada día ou de cada mes. Lembran o pan prestado polo veciño e saben que se devolvía aococer,...