A sede da Asociación de Empresarios de Ribeira acolleu estre xoves 23 de xaneiro a entrega de premios da Campaña de Nadal 2024-2025 da patronal local, premios que consistiron en vales de compra para seren investidos no comercio local e por valor de 300€, 250€, 100€ e 50€.
Na cita participaron as persoas premiadas, o presidente da asociación, Francisco Martínez Gude, e o alcalde en funcións Vicente Mariño.
A patronal compartiu a listaxe de persoas premiadas pero fixo saber tamén que algúns premios aínda están pendentes de aparecer, polo que a asociación aproveitou para facer un chamamento aos veciños para que revisen cadanseus boletos. Lembrou que o prazo para presentar os números premiados no local da Asociación remata o día 31 de xaneiro ás 15:00h Os boletos suplentes pódense presentar no local da asociación ata o 10 de febreiro ás 19:30h.
Como recordaremos, o listado de números premiados e suplentes foron compartidos os días pasados pola asociación no seu Facebook, logo de realizarse o correspondente sorteo o mércores 8 de xaneiro. Os premios teñen unha contía total de 5.000 euros, para repartir en vales de compra que deberán ser investidos no comercio local.
Na cita a patronal lembrou que as persoas agraciadas deben presentarse no local da Asociación co boleto premiado antes das 15:00h do 31 de xaneiro de 2025, e os suplentes antes das 19.30h do 10 de febreiro de 2025.
Os premios forman parte da Campaña de Nadal da Asociación de Empresarios, Comerciantes e Traballadores Autónomos de Ribeira, que ten o obxectivo de “motivar as compras nos establecementos do termo municipal e premiar a fidelidade do cliente”, obsequiándoo con boletos que lle darán opción a gañar os premios do sorteo.
Os premios que se sortearon son 5.000 euros en vales de compra repartidos en 51 premios.
