O Pazo de Goiáns, en Boiro, vai ser un novo escenario de celebración relixiosa e cultural. Sen ir máis máis lonxe, este e mércores 15 e este sábado 18 de xaneiro vanse desenvolver no pazo e na súa contorna as Festas na Honra de San Mauro 2025 (Lampón).
A axenda do mércores 15 dará comezo cunha alborada a cargo de Arume e os Pequenos do Barbanza. Logo celebraranse as misas na honra de San Mauro: ás 9.00, ás 10.00 e ás 11.00, misas rezadas; ás 12 misa solemne e procesión; ás 17.00 e ás 18.00 misas rezadas; e ás 19.00 horas novamente m misa solemne e procesión. Ao remate haberá unha tirada de fogos artificiais e chocolatada.
As actividades do sábado darán comezo a a primeira hora cunha alborada cos Pequenos do Barbanza e Os Liantes e proseguirán ao mediodía (ás 12h) cunha misa solemne na honra de San Mauro e unha procesión no propio pazo para logo dar paso ao xantar tradicional con festa gastronómica e degustación de callos e empanada, sendo a agrupación local Pedra da Aroña (Escarabote) a encargada de achegar a vertente musical e festeira. Pola tarde celebrarase un serán tradicional a partir das 17.00 horas e pola noite será a quenda da agrupación teatral Tanto Nos Ten. A xornada rematará cunha queimada tradicional e unha foliada libre a partir das 23.00 horas.
Haberá sorteo de lotes tradicionais.
As actividades desenvolveranse baixo carpa. Contan coa colaboración do Concello de Boiro.
