Este venres 24 de xaneiro déronse cita na nave municipal de Urbaser, na Fieiteira, a concelleira de Medio Ambiente, Antía Alberte, xunto con Silvia Calaza, representante da empresa de xestión ambiental Ancaria. No acto produciuse a entrega ao Concello de 140 composteiros (a día de hoxe xa
hai 240 solicitados por parte da veciñanza dos 300 que se van a repartir).
A concelleira informou que xa se vai comezar coa achega destes 140 composteiros por data de rexistro: “Distribuiranse de forma individual e imos a chamar aos domicilios, un por un para, para entregalos persoalmente en cada fogar solicitante ao tempo que informaremos polo miúdo do funcionamento do mesmo”, sinalou Antía Alberte, engadindo que “hai persoas que o solicitaron máis dunha vez, pode ser un erro á hora do trámite en liña; pero en principio, imos repartir un por cada domicilio, si despois vemos que sobra algún composteiro, habilitarase a fórmula para repartir un segundo”.
Os recipientes entregaranse con folletos informativos nos que figuren as instrucións dos mesmos, e tamén contémplase a posibilidade de facer unha charla informativa.
O Concello de Ribeira procura, con esta acción, que “a longo prazo se reduza o residuo total polo que suporá un menor custo do servizo de recollida de lixo para a veciñanza”.
