O Auditorio do Centro Cultural e Xuvenil de Muros comeza 2025 cun total de 10 espectáculos

03 Xaneiro 2025

O Concello de Muros presentou neste inicio de ano a programación cultural para o primeiro semestre de 2025 no Auditorio do Centro Cultural e Xuvenil. O calendario inclúe un total de 10 espectáculos que abranguen teatro, circo e cine, pensados para público infantil, xuvenil e adulto. Trátase “dunha aposta decidida por achegar propostas culturais de alta calidade a toda a veciñanza”, explicaron fontes do Concello.

A temporada inaugurarase o sábado 11 de xaneiro coa obra Boa sorte, mala fama da compañía Tarabela Creativa. Este espectáculo, centrado na temática da emigración, conta co valor engadido de que participou como informante na súa creación o veciño muradán Tono Beiro, o que achega unha conexión especial coa realidade local. A obra busca “reflexionar sobre un fenómeno profundamente arraigado na nosa historia e identidade, ofrecendo unha narrativa emocional e comprometida”, explican dende o departamento de Cultura do Concello.

Precisamente Caridad González, concelleira de Cultura, destacou o compromiso do Concello por ofrecer unha programación diversa e para todos os públicos: “Queremos que o auditorio continúe sendo un punto de encontro cultural e social. Esta programación reafirma o noso compromiso por achegar experiencias culturais enriquecedoras e accesíbeis, poñendo a diversidade e a calidade no centro da nosa oferta. A colaboración coa AGADIC e a pertenza á Rede Galega de Teatros e Auditorios permítenos traer ao noso concello espectáculos de primeiro nivel, garantindo o acceso da veciñanza a unha programación cultural de calidade”.

María Lago, alcaldesa de Muros, subliñou o éxito de público acadado en 2024 e o papel fundamental do auditorio como motor cultural: “O 2024 foi un ano extraordinario, con altísimos índices de participación nos espectáculos programados. Estamos convencidas de que este 2025 será igual de exitoso, grazas a unha oferta cultural que se adapta aos intereses de todas as persoas e reafirma o noso compromiso co acceso universal á cultura”.

Entre as propostas máis destacadas deste semestre atópase O Dragón de Ouro de Sarabela Teatro, que se representará o sábado 8 de marzo. Esta obra, dirixida ao público adulto, aborda temáticas sociais e humanas cunha posta en escena contemporánea e emocionante, sendo unha das apostas máis ambiciosas e esperadas do programa.

A programación inclúe tamén espectáculos infantís como Compaña de Xampatito Pato ou A teteira de Kabul de Xarope Tulú, así como propostas para todos os públicos como o circo de Petit Cabaré de Pistacatro, que celebrará o Día Mundial do Circo, e obras de humor e crítica social como Nabiza Girl II de Isabel Risco.

Ademais, o auditorio tamén acollerá a estrea do filme documental O último berro de Trapos Sucios, unha peza audiovisual que recolle o seu último concerto na pasada edición do festival Castelo Rock.

As entradas poden adquirirse de forma anticipada ata o día anterior de cada espectáculo nas oficinas do Centro Cultural e Xuvenil de Muros ou a través do formulario habilitado na páxina web municipal.

O programa completo está habilitado na Rede en libre descarga.

Colaboran:

AGADIC (Rede Galega de Teatros e Auditorios)

Saúdos, Comunicación Concello de Muros

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

O Culturgal Expandido recala esta semana en Muros

A edición 2026 do Culturgal Expandido chega esta fin de semana ao Mercado Municipal de Muros cunha programación gratuíta e para todas as idades. Na presentación do programa participaron Natividad Gonzalez, deputada de Cultura da Deputación da Coruña; María Lago,...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.