Galicia roza os 7 millóns de viaxeiros nos primeiros once meses do 2024

02 Xaneiro 2025

Galicia segue a recoller os esforzos das políticas realizadas no eido da internacionalización do destino turístico. Así o referendan os datos do Instituto Nacional de Estatística (INE) feitos públicos hoxe que destacan os 6.989.140 viaxeiros aloxados entre xaneiro e novembro de 2024 en aloxamentos turísticos facendo ao mesmo tempo, 13.086.060 noites. Nos dous casos, rexístranse incrementos do 1,9% no primeiro indicador e 1,1% no de segundo con respecto aos valores rexistrados no mesmo período de 2023.
A nivel de mercados, o internacional absorbe o 31% do total da demanda mentres que o 69% corresponde a turismo de ámbito nacional. No que atinxe á demanda, o internacional presenta un mellor comportamento cun crecemento do 4,4% rexistrando 4 millóns de noites en aloxamentos galegos, máximo da serie histórica deste período de 11 meses.
En canto a número de noites, o nivel alcanzado nos 11 primeiros meses do ano supón 136.000 novas noites con respecto a 2023, superando por primeira vez a barreira dos 13M de noites neste período.
Segundo os datos estatísticos, afiánzase tamén a desestacionalización con incrementos da demanda turística en meses como febreiro (+3,8%), marzo (+26,4% por efecto Semana Santa), maio (+11,1%), setembro (+1,6%) e novembro (+12,2%).
No que se refire á distribución da demanda entre xaneiro e novembro, o 72% corresponde ao segmento hoteleiro (58% en hoteis e 14% en pensións) o 28% no extrahoteleiro (10,5% en albergues; 9,3% en cámpings; 5,7% en apartamentos turísticos e 3% en turismo rural).
Continúa a tendencia de crecemento rexistrada nos últimos meses con respecto ao mesmo período de 2023 nalgunhas das modalidades de aloxamento. Así, o turismo rural está a medrar un 3% en número de viaxeiros e un 1,4% en noites grazas, en boa medida, ao bo comportamento do turismo internacional nesta modalidade de aloxamento, na que a demanda do turismo internacional nas casas rurais medra un 21,4%.
Datos de novembro
No que se refire estritamente aos valores rexistrados no mes de novembro, 347.208 viaxeiros aloxáronse na totalidade de establecementos de Galicia, o que supón un incremento do 12,3% con respecto ao mesmo mes do ano pasado, e fixeron 643.615 noites, acadando tamén un incremento histórico do 12,2% neste mes.
Do total de viaxeiros aloxados, o 87% fixérono no segmento hoteleiro, que se distribuíron a razón do 73% en hoteis e o 14% en pensións. O 17% restante aloxáronse en establecementos extrahoteleiros (6% en apartamentos turísticos, 1% en cámpings, 2% en turismo rural e 4% en albergues).
A nivel de mercados, aprécianse incrementos en canto a demanda de ámbito nacional (12% o interno dos residentes en Galicia e 7% o que procedía do resto do estado) e tamén da internacional que medrou o 24%.
Rendibilidade hoteleira
Estas cifras repercutiron no incremento dos niveis de rendibilidade hoteleira nos once primeiros meses do ano, que sobe un 7,1% cuns uns ingresos totais nominais estimados en máis de 413M€ de euros neste período. Estas cifras superan aos niveis previos á pandemia (2019) e marca a cifra más elevada na serie histórica.

Outros artigos

Publicidade

Revista en papel

Opinión

“Manuel ¿para qué sirve la música?”. Manuel Dominguez III

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

“Pensando nun futuro mellor”. Luís Celeiro

“Pensando nun futuro mellor”. Luís Celeiro

“O mellor está por chegar” é unha expresión que se lle atribúe a aquel recoñecido poeta inglés,Robert Browning (1812-1889), que tantas veces reflexionou sobre o sentido da vida, o paso dotempo e a vellez das persoas e das cousas. Sobre a esperanza no futuro, que vén...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.