Segundo informou esta mañá a Radio Galega faleceu ós 68 anos de idade o histórico presentador da Radio e a Televisión de Galicia Xosé Manuel Piñeiro, coñecido popularmente como Superpiñeiro. O seu enterro celebrarase na súa vila natal tars ser trasladado o seu corpo desde o CHUS de Santiago.
Xosé Manuel Piñeiro Borrajo, máis coñecido como Piñeiro ou Superpiñeiro, nado en Allariz en 1957 e finado o 22 de xaneiro de 2025, foi un presentador de televisión galego.
Licenciado en Filosofía e Ciencias da Educación[2], foi educador, profesor de filosofía e ética na Universidade Laboral de Ourense e orientador educativo nos institutos da “Finca Sevilla” e “As Lagoas”.
Foi un dos rostros máis recoñecibles da Televisión de Galicia. O seu maior éxito foi o programa Supermartes, que conduciu durante máis dunha década, entre 1992 e 2005. Tamén estivo á fronte de espazos coma Tequelexou, Téquele, téquele ou Acompáñenos, entre outros, e presentou numerosas galas e especiais na mesma canle autonómica. Dende 2011 presenta o programa Bamboleo na canle autonómica.
En novembro de 2018 anunciou a súa retirada temporal da televisión por padecer un cancro (mieloma múltiple). D.E.P.
BIOGRAFÍA
