O corpo sen vida dunha muller foi localizado na tarde deste luns na praia de Arnela, no municipio de Porto do Son. O achado produciuse arredor das 14:00 horas, cando un particular deu aviso ao 112 Galicia tras atopar o cadáver sobre a area.
Ao recibir a alerta, o 112 activou un operativo no que participaron o Servizo de Urxencias Sanitarias de Galicia-061, Salvamento Marítimo, o Servizo de Gardacostas de Galicia, a Garda Civil e a Agrupación de Voluntarios de Protección Civil.
Os equipos de emerxencia desprazados ao lugar confirmaron a información inicial aportada polo alertador e procederon a realizar as actuacións necesarias para o levantamento do corpo.
Por agora, descoñécense as circunstancias do falecemento da muller, e a Garda Civil iniciou unha investigación para esclarecer os feitos.
