A nova Senda dos Petróglifos de Muros, galardoada co distintivo Sendeiro Azul

20 Xaneiro 2025

Muros vén de acadar unha importante distinción por unha nova iniciativa de lecer que pon en valor as súas riquezas patrimoniais, paisaxísticas e ambientais. Trátase da Senda dos Petróglifos, impulsada pola Área de Medio Ambiente do Concello de Muros e que acadou o distintivo Sendeiro Azul da Asociación de Educación Ambiental e do Consumidor (ADEAC), entidade encargada tamén das bandeiras azuis.

“Estamos moi satisfeitas por obter esta distinción para unha senda redeseñada recentemente”, asegurou a alcaldesa de Muros, María Lago. “Aproveitamos camiños existentes, adecuámolos e sinalizámolos para a veciñanza e os que nos visitan”, engadiu.

“Unha vez outorgado este recoñecemento, nos vindeiros meses estará lista a nova sinalización da senda e faremos unha presentación oficial”, explicou a alcaldesa.

A Senda dos Petróglifos cruza as parroquias de Louro, Muros e Serres, e dous dos petróglifos máis senlleiros do concello, que son A Laxe das Rodas, en Louro (na imaxe) e A Cova da Bruxa (Serres).

“A ruta conta cunha diversidade natural privilexiada, con diferentes hábitats animais e especies protexidas”, explicou María Lago, destacando “a importancia dunha iniciativa medioambiental que pon en valor o noso patrimonio natural e histórico”.

ADEAC resalta “o compromiso do Concello de Muros na recuperación dunha ruta que promove a educación ambiental e o disfrute sostible da natureza”.

Outros artigos

Publicidade

Revista en papel

Opinión

“Manuel ¿para qué sirve la música?”. Manuel Dominguez III

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

“Pensando nun futuro mellor”. Luís Celeiro

“Pensando nun futuro mellor”. Luís Celeiro

“O mellor está por chegar” é unha expresión que se lle atribúe a aquel recoñecido poeta inglés,Robert Browning (1812-1889), que tantas veces reflexionou sobre o sentido da vida, o paso dotempo e a vellez das persoas e das cousas. Sobre a esperanza no futuro, que vén...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.