A Deputación brinda o seu apoio á integración socio-laboral de Ambar

16 Xaneiro 2025

A Deputación da Coruña, a través das liñas de axudas dedicadas a entidades sociais da provincia, colabora coa asociación inclusiva Ambar, con sede principal en Ribeira, en distintos programas de integración social e laboral para persoas con diversidade funcional da comarca de Barbanza e no seu plan Vivenda con apoio.

A deputada de Política Social, Mar García Vidal, acompañada do concelleiro de Relacións Institucionais de Ribeira, Francisco Suárez-Puerta, visitou o centro de recursos de Ambar en Ribeira, onde a entidade ofrece servizos de centro de día e centro ocupacional a un total de 79 persoas procedentes dos concellos de Rianxo, A Pobra, Boiro, Ribeira e Porto do Son.

García Vidal quixo coñecer en primeira persoa as melloras efectuadas nas instalacións do centro, os programas que subvenciona a Deputación e explorar novas liñas de colaboración.

Lembrou na súa estadía en Ambar que o pasado ano “a Deputación apoiou con 52.250 euros obras de conservación e mellora de equipamento do centro e destinou outros 15.700 euros a apoiar o programa Vivenda con apoio da asociación inclusiva”.

A través desta achega, a Deputación dá apoio á vivenda tutelada de Ambar, activa desde o 2014: un domicilio que asiste ás persoas con diversidade funcional que favorece a autonomía no fogar dos usuarios, así como as súas habilidades básicas e instrumentais para a vida diaria e o coidado da saúde.

A deputada salientou que Ambar tamén leva a cabo obradoiros para adquirir habilidades para a vida diaria, empregando recursos e materiais reais propios dun fogar. Á súa vez, ofrécense obradoiros de manexo das novas tecnoloxías para favorecer a comunicación e o uso de servizos comunitarios.

“Desde a Deputación queremos seguir traballando de forma conxunta con Ambar para promover a independencia, autonomía e igualdade de oportunidades das persoas con diversidade funcional”, afirmou Mar García Vidal, que destacou o “gran traballo” que desenvolve a entidade, recoñecida co Premio de Boas Prácticas en Servizos da Deputación en 2023.

Asociación Ambar

Desde 1982, a Asociación Ambar presta servizo a persoas con diversidade funcional e ás súas familias nos concellos de Boiro, A Pobra do Caramiñal, Ribeira, Rianxo e Porto do Son. A súa misión é “promover unha sociedade igualitaria na que todas as persoas gocen dos mesmos dereitos e poidan vivir de forma independente e autónoma”.

Ambar desenvolve mancheas de iniciativas que buscan “sensibilizar e educar en valores, mellorar a accesibilidade universal, aportar servizos de autonomía persoal e conciliación familiar, posibilitar a vida independente dentro da comunidade, promover o traballo digno, impulsar a expresión artística e a creatividade e facilitar experiencias deportivas culturais e de lecer”.

Outros artigos

Publicidade

Revista en papel

Opinión

“Manuel ¿para qué sirve la música?”. Manuel Dominguez III

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

“Pensando nun futuro mellor”. Luís Celeiro

“Pensando nun futuro mellor”. Luís Celeiro

“O mellor está por chegar” é unha expresión que se lle atribúe a aquel recoñecido poeta inglés,Robert Browning (1812-1889), que tantas veces reflexionou sobre o sentido da vida, o paso dotempo e a vellez das persoas e das cousas. Sobre a esperanza no futuro, que vén...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.