Imaxe do photocall e escenario dos Premios ABE 2024 cos logos dos socios protectores (premio a Lino Escurís)
A patronal boirense, a ABE, quixo rematar 2024 dando o seu agradecemento aos socios protectores que “coa súa contribución contribución axudan a seguir a senda de crecemento da asociación”. Trátase de JEALSA, García Sánchez, Grupo JJ Chicolino, España y Fernández e Clínica Dental Rebeca Ozores. Respecto da pegada comercial e empresarial que xerou o pasado ano, a asociación lembra que foron acadados miles de impactos publicitarios correspondentes á inclusión da imaxe corporativa das empresas nas campañas de promoción comercial, nas campañas de mercadotecnia dixital, nas publicacións en redes sociais, nas campañas publicitarias en medios de comunicación tradicionais e na presenza permanente nas pantallas das aulas e salón de actos. Tamén, de maneira máis visual, no photocall dos Premios ABE e Fálame Sempre aos que en conxunto asistiron máis de 400 persoas.
A ABE tamén lembra que até o 31 de xaneiro está aberto o prazo de admisión de novos socios protectores.
A ABE quere expresar publicamente o agradecemento da xunta directiva para o compromiso e colaboración que amosan estas empresas coa asociación xa que como indica o presidente, Daniel García, “ser socio protector non só significa un apoio económico para a entidade senón un compromiso co desenvolvemento económico do concello, por todo isto queremos felicitar e agradecer ás empresas ese compromiso”
A figura de socios protectores púxose en marcha en xaneiro de 2017 e a súa característica principal é que a cambio dunha cota extraordinaria anual a ABE inclúe a imaxe da empresa nas actividades que realizará durante o ano o que supón un importante retorno para as empresas.
O vindeiro 1 de febreiro comeza a nova anualidade e ata o 31 de xaneiro está aberto o prazo de admisión de novos socios protectores. “As empresas asociadas que entendan que esta figura pode ser beneficiosa para elas poden contactar coa ABE onde lles informarán das vantaxes e obrigas que supón”, sinalou a patronal.
