A sociedade estatal Solo Empresarial do Atlántico (SEA) celebrou esta mañá un consello de administración no
que participaron a directora xeral de SEPES e presidenta de SEA, Leire Iglesias; e a conselleira e directora económica financeira desta entidade, Belén Medina Cierco; o secretario xeral de Industria e Desenvolvemento Enerxético da Xunta de Galicia, Nincolás Vázquez; o secretario xeral da Delegación de Goberno en Galicia, Alberto de la Fuente; e a xerente de SEA, Beatriz Sestayo. Nel apróbanse dous operacións na modalidade de venda directa de chan, o que supón a instalación de Panadería Rodolgo e Rodríguez Amado por primeira vez nestas superficies industriais.
No parque empresarial de Muros, Panadería Rodolfo, especializada na fabricación de pan e de produtos frescos de panadería e pastelería ocupará unha parcela de 1.300 metros cadrados.
No da Laracha, a compañía Rodríguez Amado, dedicada a instalacións, montaxes e reparacións de fontanería, calefacción e gas instalarase nunha superficie de 1.823,50 metros cadrados.
Beatriz Sestayo informou de que a sociedade que dirixe volveu a ter beneficios por quinto ano consecutivo, o que permitirá seguir acometendo novos vinvestimentos no futuro. Ademais, engadiu que durante 2024 implantáronse numerosas empresas nos 13 polígonos industriais xestionados por SEA e, en consecuencia, creáronse centenares de postos de traballo. Neste sentido, incidiu en que os datos da empresa seguen sendo enormemente positivos e espera poder sumar, a curto prazo, novos proxectos.
