Preto dunha trintena de expositores participan na XX Exposición da Camelia Sasanqua en Boiro

15 Decembro 2024

O Pazo de Goiáns converteuse esta fin de semana no epicentro da beleza floral coa celebración da XX Exposición da Camelia Sasanqua e outras, organizada polo Concello de Boiro. Preto dunha trintena de expositores reuníronse para amosar unha ampla variedade desta flor, considerada un símbolo distintivo da zona.

O acto inaugural contou coa participación da concelleira de Cultura e Turismo, María Outeiral, quen destacou a importancia desta mostra para o municipio: “A exposición da camelia é unha cita consolidada no noso municipio e o Pazo de Goiáns é xa un referente desta flor na comarca”. Durante a inauguración, celebrouse tamén a plantación dun novo exemplar de sasanqua procedente da Finca Chazo nos xardíns do Pazo.

A Escola de Música de Boiro puxo a nota cultural ao evento, e un photocall con traxes tradicionais galegos animou ás persoas asistentes a mergullarse na tradición. A mostra poderá visitarse o domingo en horario de 11:00 a 14:00 horas pola mañá, e de 17:00 a 20:30 horas pola tarde.

Como colofón á programación, inclúese un concerto titulado “Alalás e cantigas do Camiño de Santiago”, a cargo de Germán Díaz, Uxía e Sergio Tannus, ofrecendo unha fusión musical de gran calidade.

O Concello de Boiro reafirma con esta exposición o seu compromiso coa cultura e a promoción das riquezas naturais e patrimoniais da comarca.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.