O Concello de Porto do Son vai comezar o ano con formación tecnolóxica para incrementar o apoderamento e a empregabilidade das veciñas e veciños. Trátase do Curso de Competencias Dixitais Básicas, de 200 horas de duración, que se vai levar a cabo a partir do 8 de xaneiro en horario de mañá, de 9.00 a 14.00 horas. Consistirá en diferentes sesións de formación de balde para persoas en desemprego de Porto do Son. A actividade inclúe a entrega dun computador portátil para as persoas participantes. O único requirimento para asistir é estar dada/o de alta no Servizo Público de Emprego.
Este luns 30 de decembro celebrarase unha reunión informativa ás 10.30 horas no Viveiro de Empresas de Porto do Son para achegar ás persoas interesadas as liñas temáticas e os obxectivos do curso. Quen precise máis información tena na web de Dixigalizate, no teléfono 604 039 575 ou a través da conta dixigalizate@araformacion.es.
