Porto do Son e as súas parroquias acollerá novamente unha xira de Papá Noel destinada a lograr que Santa Claus teña ocasión de atoparse con todas as nenas e nenos do concello. O itinerario de Papá Noel estenderase ao longo de toda a xornada, dende a mañá até o serán. Será o luns 23 de decembro e comezará en San Pedro de Muro, entre as 11.00 e as 11.20 horas, na Casa da Cultura.
A seguinte cita será a parroquia de Xuño, na Casa da Cultura, entre as 11.35h e as 12.00h, para logo trasladarse á Casa da Cultura de Queiruga, onde Papá Noel poderá manter un encontro coa rapazada local, entre as 12.55 e as 13.15 horas.
Baroña será a seguinte parada (o Bar 85), entre as 13.30 e as 13.50 horas, e logo do xantar farase unha parada en Noal, fronte á fonte de Cabanela entre as 16.00 e as 16.20 horas. Máis tarde, Papá Noel e a súa comitiva recalarán en Nebra, no Local da Comunidade de Montes, entre as 16.40 e as 17.00 horas, e despois en Portosín, na praza do Curro, entre as 17.30 e as 17.50 horas. a seguinte parada será Miñortos, a carón da igrexa, entre as 18.00 e as 18.25 horas.
A xira rematará en Porto do Son, na estacada da fachada marítima, a partir das 19.30 horas.
Ao longo da xira, Papá Noel e a súa comitiva recollerán as cartas cos desexos da rapazada.
