Adeus ao 2024 e ola ao 2025. Un que ten certa idade, xa é algo habitual poder vivir o tránsito do calendario gregoriano. No novo ano, continuarán as listas de espera, na sanidade; a falta de emprego ou o traballo precario; os problemas de vivenda; os ricos serán máis ricos; o veciño do cuarto seguirá de imbécil, como sempre; o parvo de quenda continuará contando as súas batallitas coma se lle interesase a alguén que non sexa o mesmo, en definitiva todo seguirá igual.
A vivenda, a sanidade, a educación e as relacións laborais continuarán sendo materias pendentes nunha sociedade cada vez máis desigual, como a nosa, a pesar de ser democrática e o propugnar como valores fundamentais a Igualdade, a Liberdade e a Xustiza Social. Sempre me pregunto, que liberdade pode ter unha familia que apenas pode chegar a final de mes ? Que igualdade pode ter un estudante de dereito, dunha familia humilde, que desexa acceder á carreira xudicial? Que xustiza impera nos barrios pobres con respecto ás zonas ou urbanizacións exclusivas e privadas?.
Para tod@s, o mellor e dicimos con esperanza, ola 2025.
