Na Pobra, o Teatro Cine Elma volverá converterse nunha sala de cine coa proxección dun novo filme dentro da programación cinematográfica deseñada pola Concellaría da Cultura para finais do 2024 e primeira metade do 2025. A este respecto, a edil Patricia Lojo, declara que “esta axenda centrada no celuloide pretende recuperar outra parte da esencia do Elma. Por iso, temos sete películas recentes e premiadas do ámbito galego, nacional e internacional.”
No xoves, 5 de decembro, ás 21.00 horas, toca asistir ao segundo convite á gran pantalla con 20.000 especies de abellas. Esta narra a historia de Cocó, unha nena trans na busca da súa identidade. A súa nai, sumida nunha crise profesional e sentimental, aproveitará as vacacións para viaxar cos seus tres fillos á casa materna, onde se crían abellas e se produce mel. Ese verán cambiará as vidas das mulleres de tres xeracións distintas.
A entrada é libre ata completar a cabida.
