O Concello de Porto do Son deu a coñecer os nomes das persoas gañadoras do seu III Concurso de Nadal de iluminación de decoración exterior e vivendas. Trátase de Jennifer Bazarra Outeiral, de Abuín (Baroña), que recibirá un lote de produtos de Nadal valorado en 150 euros; de Raquel Rodríguez Araujo (Carrapatal, Xuño), que recibirá un lote de produtos de 100 euros; e de José Suárez Rodríguez, Novás, da parroquia de San Pedro, ao que lle será entregado unha cesta con produtos valorada en 50 euros.
O Concello de Porto do Son organizou por terceiro ano consecutivo este certame que recoñece a creatividade da veciñanza en materia de decoración de Nadal. O Concurso de Nadal de Porto do Son, que premia as vivendas mellor adobiadas e con máis destacada iluminación, reparte este ano 300 euros en lotes de produtos relacionados con estas festas sinaladas.
