O Concello de Ribeira vén de dar novos avances no mantemento dos colexios do municipio e, en concreto, rematou os traballos para habilitar un aula no baixo das antigas dependencias da comisaría de Policía Nacional. Segundo informaron as concellarías de Educación e Obras, a rehabilitación
fíxose grazas ao traballo da brigada de obras que foi a encargada de realizar as tarefas de tirar tabiques, facer uns novos, colocar portas novas, fechaduras, porta antipánico, chan laminado en WPC, encerado, instalación de encerado electrónico e proxector, zócalo e instalación de retretes infantís.
O Concello explicou que o Grupo é o colexio con maior número de nenos e nenas matriculados do municipio, cun total de 402. No edificio anexo de infantil estase a preparar a instalación dun ascensor e afectará a dúas aulas polo que se terá que trasladar a actividade docente ás aulas habilitadas nas antigas dependencias da Policía Nacional que veñen de ser renovadas polo Concello de Ribeira. Tamén xa está licitado o cambio de cuberta na antiga comisaría que permita evitar as humidades e filtracións de auga ao tempo que se garante a eficiencia enerxética.
