O Concello de Outes abre o prazo de inscrición para o Servizo Tempo de Nadal 2024-25, que se enmarca dentro do programa Outes Concilia dirixido a favorecer en tempos de vacacións a harmonía entre actividade laboral e familiar. O prazo de inscrición é dende o 2 ata o 12 de decembro e as prazas son limitadas, segundo confirmou o Concello. Está destinado a nenas e nenos de idades comprendidas entre os 3 e os 12 anos. Haberá actividades os días 23, 24, 26, 27, 30, 31 de decembro, e 2, 3 e 7 de xaneiro, de 8.00 a 16.00 horas. As actividades serán no edificio autónomo do CEIP de Outes.
