Esperanza Mariño regresa á Pobra do Caramiñal neste ano para dar a coñecer ao público pobrense, nesta ocasión, o poemario A pousa da libélula. Será no venres 13, ás 20.00 horas, no auditorio da Biblioteca Municipal Victoriano García Martí. Durante o acto estará acompañada pola concelleira da Cultura, Patricia Lojo, e o integrante da A. C. Barbantia, Xesús Laíño.
Esta obra toma a libélula como símbolo do mundo natural e da vida humana e os seus avatares para abordar temas como a soidade, o amor ou a morte.
A entrada é libre ata completar a cabida.
