O Concello de Muros, a través do seu departamento de Cultura, anunciou a celebración da Festa de Fin de Ano, que terá lugar na carpa que estará instalada no Curro da Praza.
A festa, que dará comezo a partir da 1 da mañá deste primeiro de xaneiro, contará coa animación da Disco Móbil Chocolate, asegurando (en palabras do Concello) “unha noite inesquecíbel de música, diversión e bo ambiente”.
A celebración está pensada para recibir o novo 2025 con “alegría e ilusión”, polo que Concello anima a toda a veciñanza a participar da cita.
A concelleira de Cultura, Caridad González, destacou que “esta festa de Fin de Ano é unha oportunidade para que toda a veciñanza nos reunamos e recibamos o ano 2025 nun ambiente festivo e de alegría”.
