O finado é José Rey Domínguez, coñecido como Pepe Rey, de 75 anos, mariñeiro “de toda a vida” e pai da patroa da embarcación auxiliar mexilloeira Hermanos Rey. Con eles formaba parte da tripulación do barco accidentado, a parella da patroa. Ambos os dous foron rescatados e postos a salvo por mexilloeiros da zona, e trasladados ao porto de Meloxo (O Grove) ao que o barco, de 13,5 metros de eslora e casco de madeira se dirixía cando, ás 9,30 horas da mañá deste xoves, o Centro de Coordinación de Salvamento Marítimo Fisterra, de Porto do Son, recibiu o sinal de socorro emitido pola embarcación grovense. Barállase que a causa máis probable do naufraxio poido ser o corrimento dunha carga de mexillón mal estibada. A embarcación quedou proa ao sol no Con Roibo.
Atra o lugar do accidente desprazouse a embarcación de Salvamento Marítimo Mar de Sargadelos, que foi a recuperou o corpo de Pepe Rei nunha zona dois 15 metros de fondo.
