Por outra banda, recordar que este sábado 21 de decembro celebrarase en Rianxo a xa tradicional Papanoelada Moteira do Motoclub Jas A Tope, en colaboración co Concello. As persoas participantes sairán da praza Castelao ás 16:15 e volverán unha hora despois logo de recorrer as parroquias do municipio (consultar horarios). Previamente, ás 14.00 horas, celebrarase un xantar de balde (unha paellada) para papanoeles na Cafetería Castelao.
Trátase dunha quedada para a comunidade local, comarcal e galega de seareiros das motos convocada co obxectivo de celebrar o Nadal, achegar diversión a nenos e maiores e dinamizar a vila e as parroquias. O programa inclúe premios e diplomas (aos mellor caracterizados, á moto mellor decorada e ao equipo máis numeroso) e actividades diversas para a rapazada (música, entrega de cargas, reparto de caramelos, etc).
