O venres pasado pola mañá o Mercado Municipal de Muros acolleu un mercadiño solidario organizado pola concellería de Ensino e Lingua. Na iniciativa, foi enfocada a fomentar a creatividade sustentábel, artesá e solidaria neste tempo de Nadal, colaboraron as comunidades escolares e docentes CEIP Plurilingüe Ricardo Tobío, CEIP de Louro, CEIP Ramón de Artaza e a Escola de Educación Infantil de Muros.
“Máis de 80 nenos e nenas participaron vendendo os materiais que fixeron nas últimas semanas e a recadación será doada a causas benéficas”, explica a alcaldesa, María Lago.
Pola súa banda, a concelleira de Ensino e Lingua, Laura Rivadeneira, agradeceu “a implicación de toda a comunidade educativa, dos nenas e nenas que elaboraron o material que se puxo a venda, dos profesores e profesoras pola predisposición a participar, e das nais e pais que se achegaron ao Mercado Municipal”.
