O tenente de alcalde e concelleiro de Cultura de Rianxoi, Julio Alcalde, presentou a programación de actividades deste Nadal no Auditorio de Rianxo. A axenda inclúe un completo menú de música que pon o foco nos estilos tradicionais e, tamén, nos novos talentos. O programa comeza o 14 de decembro ás 18.00 horas co Festival de Nadal da Asociación Vai de Roda e prosegue o 21 ás 11.00 horas co Festival de Nadal da Escola de Música de Rianxo, primeira parte. Na mesma xornada do 21 ás 20.30 horas celebrarase o Festival de Corais de Arousa e Ulla.
O 22 de decembro pola mañá, ás 11.00 horas, desenvolverase a segunda parte do Festival de Nadal da Escola de Música de Rianxo. Pola tarde, ás 18.00 horas, será a quenda da terceira parte do Festival da Escola de Música.
O 27 de decembro ás 20.00 horas celebrarase o concerto de Fin de Ano da Escola de Música de Rianxo.
O 28 de decembro ás 20.00 horas será a quenda do Festival de Nadal da Asociación Cultural Fogo Fatuo.
