Unhas xornadas en Ribeira poñen o foco en como garantir concellos respectuosos e protectores coa nenez

26 Novembro 2024

Este martes 26 de novembro inaugurouse na Casa da Xuventude de Ribeira a primeira quenda das dúas programadas dirixidas a profesionais que traballen directamente coa infancia, no ámbito sanitario, educativo, social, xudicial, ocio e deportes, máis forzas e corpos de seguridade. O obxectivo será mellorar as competencias profesionais para a aplicación da LOPIVI (Lei Orgánica 8/2021, de 4 de xuño, de protección integral á infancia e á adolescencia fronte á violencia) e para a implantación das novas figuras que introduce esta Lei. Figuras como a coordinadora de Benestar nos centros educativos e o de delegada de protección nas entidades de deportivas e de ocio e tempo libre.

Dende o departamento de Servizos Sociais informaron que estas xornadas superaron tódalas expectativas quedando xente na lista de agarda.

A apertura oficial das xornadas contou ca presenza do rexedor, Luís Pérez Barral, as relatoras da xornada, lnma Arauja López, psicóloga, Aida Blanco Arias, avogada, a coordinadora dos Servizos Sociais do Concello, Francisca Vidal e a educadora social e promotora das xornadas, Iria Alén.

Durante os días 26 e 27 de novembro os asistentes recibirán formación para sensibilizar, asesorar e dotar de ferramentas profesionais para a prevención e detección precoz de toda forma de violencia contra a nenez, para mellorar a coordinación dos axentes locais implicados coa infancia e, tamén, para favorecer un espazo de encontro, reflexión e aprendizaxe para a xeración de contornas protexidas para nenos e adolescentes. Búscase tamén crear unha mesa local de infancia e adolescencia entre as persoas asistentes que queiran participar.

Pérez Barral sinalou a importancia destas xornadas, “a protección da infancia, alén de ser unha responsabilidade legal; é un compromiso ético e social que nos debe ocupar a todas e todos. Desde as institucións públicas ata os profesionais da educación, da saúde, do deporte e do ocio, temos a obriga de construírmos contornos seguros e protectores para que as crianzas e adolescentes poidan medrar nunha contorna de respecto, apoio e liberdade”.

O rexedor expresou o seu agradecemento ás profesionais que compartirán os seus coñecementos e experiencias, así como ás persoas asistentes, pola súa “vontade de sumar esforzos e asumir responsabilidades nesta tarefa tan necesaria”. Tamén agradeceu o traballo dos “equipos que fixeron posíbel esta xornada”.

Para finalizar Barral falou do compromiso do seu equipo de converter o Concello de Ribeira nun referente na protección da infancia e adolescencia. “Porque investir no bo trato e no benestar dos máis novos é construír un futuro mellor para toda a sociedade”, sinalou.

Outros artigos

Publicidade

Revista en papel

Opinión

“Manuel ¿para qué sirve la música?”. Manuel Dominguez III

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

“Pensando nun futuro mellor”. Luís Celeiro

“Pensando nun futuro mellor”. Luís Celeiro

“O mellor está por chegar” é unha expresión que se lle atribúe a aquel recoñecido poeta inglés,Robert Browning (1812-1889), que tantas veces reflexionou sobre o sentido da vida, o paso dotempo e a vellez das persoas e das cousas. Sobre a esperanza no futuro, que vén...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.