Pasadas as 9:15 horas, os servizos sanitarios alertaron ao 112 Galicia de que un home acababa de ser atropelado na rúa da República Argentina, en Noia. O ferido presentaba lesións en ambas pernas, pero estivo liberado e accesible en todo momento.
De inmediato, desde o 112 Galicia activouse un operativo para o que se solicitou a colaboración do GES e da Policía Local de Noia. Ao mesmo tempo, Urxencias Sanitarias de Galicia-061 enviou ao seu persoal a bordo do helicóptero medicalizado con base en Santiago.
Unha vez no punto, os equipos de emerxencias confirmaron que o home estaba consciente e que finalmente foi trasladado ao hospital de referencia con lesións en ambas pernas e un golpe na cabeza.
