Unha familiar do falecido contactou co 112 Galicia arredor das 16:20 horas para alertar de que este acababa de sufrir unha caída nunha vivenda situada no lugar do Cabo, en Muros. Ao chegar ao lugar dos feitos, o persoal de Urxencias Sanitarias de Galicia-061 comprobou que o implicado caera sobre unhas rochas desde varios metros de altura mentres realizaba labores de poda na súa propiedade. Ademais, existía o risco de que continuase caendo polo talude onde quedara situado.
De inmediato, desde o Centro Integrado de Atención ás Emerxencias coordinouse un operativo no que participaron o GES de Muros, a Garda Civil e a Policía Local. Debido á situación do accidentado, unha zona de difícil acceso e con gran pendente, os efectivos do GES tiveron que empregar arneses para proceder coas tarefas de rescate.
Finalmente, os servizos sanitarios só puideron confirmar o falecemento do home.
