O arcebispo de Santiago, monseñor Francisco José Prieto Fernández, acompañade de Juan Manuel Vieites , presidente da Confederación de Empresarios de Galicia e Pilar Farjas Abadía, directora de Cáritas Diocesana de Santiago, presentou ante os medios informativos, durante un acto celebrado no Arcebispado, os primeiros resultados da Campaña Solidaria de Cáritas a favor dos damnificados do Levante. Para o arcebispo se produciu un desbordamento de solidariedade que se debe continuar no tempo e nos próximos meses “cando o tema deixe de ser noticia hai que seguir traballando e axudando con todas as nosas forzas a estas persoas”. Insistiu en que é algo que afecta a todo o mundo e que as administracións teñen que ir da man para coordinar da mellor forma posible os traballos de reconstrución de todos aqueles pobos.
Agradeceu a Cáritas Española o traballo de coordinación que está a levar a cabo no relativo ás achegas que se reciben e tamén a Cáritas
Diocesana de Santiago que as canaliza a nivel diocesana.
Os empresarios
Juan Manuel Vieites, presidente da Confederación de Empresarios de Galicia falou do compromiso social sumándose á campaña e que “esta acción
subliña o papel activo que poden desempeñar as empresas en situacións de crise humanitaria, apoiando con recursos e difusión para canalizar a
solidariedade cara ás persoas máis afectadas”.
Sinalou que os galegos e os empresarios van ser moi solidarios con este gravísimo problema e traballar unidos a favor dos damnificados da DANA
As poboacións máis débiles Pilar Farja Abadía, directora de Cáritas Diocesana de Santiago de Compostela, mencionou que se garantía aos doantes e aos beneficiarios a forma de chegar as doazóns económicas. Fixo fincapé en que estas catástrofes sempre afectan as poboacións máis débiles e máis pequenas. “É aí onde Cáritas está a traballar na acollida e a axuda a todas estas persoas ás que é necesario acompañar”, subliñou.
Sinalou que ata o momento superan os 230.000 euros as doazóns económicas recibidas a través da rede parroquial, interparroquial e diocesana.
Tamén dixo que a nivel parroquial estaba a traballarse desde o primeiro momento “dando unha ampla capacidade de resposta”
En tal sentido monseñor Prieto Fernández deu conta de que as doazóns recibidas través de Cáritas Diocesana e o Arcebispado procedían de particulares, empresas, entidades relixiosas e as colectas. Sobre este último particular mencionou que a última colecta do mes de novembro vai destinar integramente en toda España aos damnificados do Levante.
Facer doazóns
As doazóns dos asociados da CEG poden facerse a través das contas que Cáritas ten abertas para este fin, indicando no concepto
“C.E.G. DANA” e o NIF da empresa, para poder certificar a doazón e acceder á correspondente desgravación fiscal.
– Abanca ES18 2080 0319 6030 4000 8096
– Banco Sabadell ES21 0081 2130 4300 0103 7210
– Banco Santander ES44 0049 2584 92101001 7670
