Debido á mala previsión meteorolóxica que se agarda para esta fin de semana obrigou a aprazar para unha nova data (aínda por confirmar) a IX Andaina Solidaria CONGALSA, programada para este domingo 24 de novembro, que, segundo confirmou Meteogalicia, vén cunha porcentaxe do 90% de probabilidade de chuvia. “Como é unha cita anual e solidaria imprescindíbel en canto teñamos nova data de celebración comunicarase, esperando que todas as persoas participantes gocen do evento solidario”, explicaron dende a empresa da Pobra, engadindo que “de todos os xeitos o prazo de inscrición seguirá aberto e todas aquelas persoas interesadas en tomar parte nesta iniciativa poden inscribirse a través das webs de CONGALSA e de Deporticket. Para aquelas que queiran participar e non poidan asistir ao evento está a opción de facelo a través do Dorsal 0.
Tempo seco e soleado este martes 22 pola influencia anticiclónica e a entrada de aire cálido
Mantense o Nivel 1 (amarelo) no noroeste, interior e suroeste da Coruña; montaña de Ourense e as Rías Baixas e vermello no interior de Pontevedra. A estabilidade meteorolóxica continuará marcando a xornada deste martes 22, San Mauricio, grazas á persistencia da...
