A irresponsabilidade dalgún gobernante continúa de triste actualidade, a raíz da catástrofe natural, na provincia de Valencia, e algunhas outras comunidades autónomas do noso país. O peor de todo foron os máis de douscentos falecidos, a maioría por unha falta de prevención e toma de decisións por parte dos responsables da comunidade valenciana.
Escoitando, lendo ou vendo, certos medios de comunicación, tratan de que as culpas sexan compartidas entre os responsables do estado, o goberno central, o autonómico, o provincial e os municipios. O obxecto é evidente, tratar de ocultar as principais responsabilidades que recae no presidente da comunidade autónoma, ao que protexen desde o seu partido, tanto a nivel autonómico como nacional. O Partido Popular continúa mentindo, lanzando trolas e embarrando sobre todo o que se lles cruza no seu camiño para eliminar responsabilidades.
Os galegos xa estamos afeitos, a raíz da catástrofe do Prestige, do pasotismo e a ocultación de responsabilidades do gobernante. A culpa sempre a teñen os demais, ben é do clima, do temporal, das correntes, do capitán do barco, das riadas, etc. . , pero nunca dos responsables políticos que son os encargados de protexer á poboación.
A solidariedade, como sempre, envorcouse coas zonas afectadas pola catástrofe e niso céntranse os responsables políticos autonómicos para ocultar as súas vergoñas.
