A Pobra do Caramiñal acolle esta semana a presentación do libro El tallista de runas, de Eduardo Romero Rueda. Este libro ofrece unha viaxe pola historia de Gunnar Swansson, alcumado Rune, un monxe beneditino noruegués que se ve arrastrado nunha misión secreta en terras de Jakobsland, enfrontando perigos e desafíos mentres busca cumprir o seu destino.
O público pobrense terá ocasión de coñecer máis polo miúdo esta obra no acto que terá lugar no venres 22, ás 20.00 horas, no auditorio da biblioteca municipal Victoriano García Martí.
Acompañarán ao autor, a concelleira da Cultura, Patricia Lojo; o escritor e coordinador da Asociación Cultural Barbantia, Juan Pastor Rodríguez; e o xornalista e escritor, Manuel Gago.
O acceso é libre ata completa-la cabida.
