O Concello de Outes informou do inicio dos traballos relativos á segunda e á terceira fase de mellora da rede de saneamento e das beirarrúas no Cruceiro de Roo. Estas obras executadas polo Concello de Outes están financiadas polo Plan de Obras e Servizos (POS+2022 e 2023) da Deputación da Coruña e contan un orzamento total de 129.280 €. Dende o Consistorio advirten que “durante a execución das obras poden producirse cortes de tráfico e na rede de abastecemento” e pide desculpas á veciñanza polas molestias causadas polos traballos desenvolvidos.
