Os bombeiros do parque Comarcal Provincial de Boiro foron requiridos ás 20:23 horas de onte, 21 de novembro, para tomar parte nun operativo provocado por un accidente de tráfico na AG-11, á altura do punto quilométrico 17, ao paso da vía pola parroquia de Asados, no concello de Rianxo.
O accidente foi provocado por unha saída de vía na que estivo implicada un só turismo. O operativo despregado polos bombeiros provinciais consistiu na retirada e desconexión da batería do coche.
Completaron o operativo a Policía Local de Rianxo, o 061 de Rianxo e a Garda Civil de Tráfico de Santiago.
