Este luns desembarcaron as primeiras centolas da tempada nos portos galegos. Este martes chegarán aos mercados, pero xa se venderon nas lonxas como na de Ribeira e no Grove .
Son moitos os mariñeiros que agardaban a apertura da veda para saír ao mar. O primeiro día deixou capturas escasas, pero moi bo produto. Agardan que cheguen os ventos cálidos do sur e o mar de fondo, a situación ideal para que a campaña sexa abundante.
Tras unha selección a bordo, aos portos chegan os mellores exemplares, este ano cun incremento do prezo mínimo de venda en lonxa ata os 12 euros o quilo. Ata as lonxas achegáronse compradores de diferentes puntos do país na busca do crustáceo estrela das mesas de Nadal.
