Os termómetros marcaron hoxe temperaturas inusuais para un mes de novembro en Galicia, con 27,3 graos no concello de Boiro e 27,2 graos en Pontevedra, as máis altas rexistradas nesta época do ano.
A máxima deste sábado, segundo a serie histórica da Axencia Estatal de Meteoroloxía, supera en dúas décimas o anterior récord dun mes de novembro en Galicia: os 27 graos alcanzados en Pontevedra un día como hoxe en 1970.
Para o domingo, espérase un lixeiro descenso das temperaturas, cunha máxima prevista de 25 graos en Ourense.
