A Xunta de Galicia informa de que un fenómeno meteorolóxico adverso estará activo este sábado no noroeste e oeste do litoral coruñés. A información, facilitada pola Axencia Estatal de Meteoroloxía, achega a presenza dun vento do sur e suroeste de forza 8 e con onda de ata seis metros mar dentro.
O Goberno galego lembra a importancia de manterse afastado da liña costeira e que se extremen as medidas de seguridade para realizar calquera actividade no mar. A través do 112, o Goberno xa deu aviso laranxa a concellos, servizos provinciais, Deputación, agrupacións de voluntarios de Protección Civil e clubs náuticos.
