A Cooperativa Santa Uxía de Ribeira-OPP83 realiza esta semana unha serie de accións cos alumnos de 3º da ESO do IES Nº 1 de Ribeira. A Organización de Produtores Pesqueiros mostrará o pasado e presente da pesca na comarca, difundirá os beneficios do consumo de peixe e ofrecerá unha degustación de Lirio de Ribeira. O programa desenvolverase este mércores 27 de novembro entre as 10.00 e as 14.30 horas. As actividades dividiranse en tres bloques. A primeira parte consistirá na elaboración dunha reportaxe tras a entrevista a patróns e armadores (10.00 a
11.30h). A segunda, centrada na nutrición e na OPP, consistirá nun concurso de preguntas (12.00 e 13.30h). E a terceira será unha degustación de Lirio de Ribeira (13.30 a 14.30h). Está prevista a participación dos armadores Francisco Muñiz, Francisco Ayaso e Pablo Pérez.
